NOTE A1-A2 NYNORSK

Velkomen til vårt norskkurs på A1/A2-nivå, utvikla for både einskilddeltakarar og verksemder som ønskjer å styrkje dei språklege ferdigheitene til medarbeidarane sine. Kurset gjev deltakarane ei innføring i norsk språk og kultur, og legg eit solid grunnlag for å kommunisere i dagleglivet, i arbeidssituasjonar og som deltakarar i samfunnet.

Kurset er retta mot personar som har liten eller ingen forkunnskap i norsk språk. Det passar òg for tilsette i verksemder som har behov for grunnleggjande norskkunnskapar for å kunne kommunisere i det daglege arbeidet, ivareta tryggleik og bidra til auka effektivitet på arbeidsplassen. I tillegg er kurset tilpassa nykomne i Noreg som ønskjer rask integrering og språkkompetanse på A1- og A2-nivå i samsvar med CEFR-rammeverket (Det felles europeiske rammeverket for språk). Kurset eignar seg for alle som ønskjer å utvikle grunnleggjande ferdigheiter i norsk for bruk i kvardagsliv, arbeidsliv og samfunnsliv.

Deltakarane skal kunne presentere seg sjølve og gje enkle personlege opplysningar, som namn, bustadstad, nasjonalitet, hobbyar og familie, ved hjelp av enkle setningar. Dei skal forstå og bruke kjende ord og frasar knytte til daglegdags tema som heim, arbeid, fritid og feiringar. Vidare skal dei kunne fortelje om ein vanleg dag, bruke tidspunkt som klokkeslett, vekedagar og datoar, samt skildre omgivnader og vêrforhold. Deltakarane skal òg kunne skildre tidlegare hendingar og eigne erfaringar ved hjelp av preteritum og presens perfektum. I tillegg skal dei kunne lese og forstå korte og enkle tekstar, som skilt, beskjedar, instruksjonar og enkle annonsar. Dei skal òg kunne skrive korte, innøvde frasar og svært enkle setningar, til dømes i e-postar, meldingar og enkle skjema.